Fiskeflåten i Florø – eit populært valg, unge fiskere i kø for læreplass

Fiskeflåten i Florø er ein berebjelke for lokal verdiskaping og sysselsetjing, og spelar ei sentral rolle i kystsamfunnet. Med moderne fartøy, høg kompetanse og sterke fagmiljø bidreg næringa både til økonomisk utvikling og vidareføring av viktige kysttradisjonar.

Dei fire fiskebåtane Skjongholm, Fanøyvåg, Fiskebas og Breivik Jr. er alle godkjende lærebedrifter og tek aktivt ansvar for rekruttering og opplæring av nye fagfolk. Dette gjer fiskerinæringa i Florø attraktiv for ungdom som ønskjer ei praktisk, spennande og framtidsretta utdanning. Interessa er stor, og lærlingane står i kø for å få ta del i ei næring med stolte tradisjonar og gode framtidsutsikter.

Vi er vande med svingingar i både fangstar, fiskeprisar og vêrforhold. Uvisse er ein del av kvardagen i fiskerinæringa. Den største usikkerheita vi no står overfor er opptrappinga av CO₂-avgifta fram mot 2030 for alle fiskefartøy. Staten har bestemt at forureinar skal betale avgift. Samtidig finst det i dag ikkje reelle alternativ til diesel for havgåande fiskefartøy. For bilar har elektrisitet vist seg som eit godt val, men for fartøy som opererer til havs er situasjonen ein annan. Ein bil kan i verste fall stansast og parkerast langs vegen. Eit havgåande fartøy som mistar framdrifta kan derimot hamne i ein svært farleg situasjon, og i verste fall havarere, med alvorlege konsekvensar både for mannskap og fartøy.